ГУБАЗіК затрымаў загадчыка аддзелу культурна-адукацыйнай працы Магілёўскага абласнога музея Дзмітрыя Жураўскага, паведамляюць праваабаронцы з Магілёву.
Як паведамляюць праваабаронцы, 14 або 15 чэрвеня дома ў Дзмітрыя Жураўскага сілавікі правялі ператрус. Паводле папярэдняй інфармацыі, яго падазраюць у тым, што ён у канцы 2021 года зарэгістраваўся ў «Плане Перамога».
Нібыта пры гэтым Дзмітрый быў «гатовы даць схованку ў будынку музея і дапамагчы службовым аўто ў дзень «Х». Цяпер мужчына затрыманы.
Алена Рувіна belsat.eu