Намеснік кіраўніка дэлегацыі Расеі ў ААН Канстанцін Варанцоў заявіў, што Беларусь атрымае ад Расеі комплексы Іскандэр-М двайнога аснашчэння, а таксама частку беларускіх самалётаў Су-25 пераабсталююць пад магчымасць несці ядравую зброю, паведамляе «РИА Новости».
У Беларусі з’явяцца знішчальнікі Су-25, якія змогуць несці ядравую зброю. Пераабсталяванне зробяць у Расеі.
«На гэтым этапе вядзецца выключна аб перадачы Рэспубліцы Беларусь комплексаў Іскандэр-М двайнога аснашчэння з ракетамі ў звычайным рыштунку, а таксама наданні часткі беларускіх самалётаў Су-25 тэхнічнай магчымасці несці ядравую зброю. Пры гэтым перадаваць Беларусі тэхналогіі па пераабсталяванню самалётаў у носьбіты ядравай зброі не прадугледжваецца», – заявіў намеснік кіраўніка дэлегацыі Расеі ў ААН Канстанцін Варанцоў.
Расея пакуль не мае намеру перадаваць Беларусі ядравую зброю, або завозіць яе на тэрыторыю нашай краіны, удакладніў расейскі дыпламат.
Алена Аляксандрава belsat.eu