Уначы 15 траўня загарэўся ваенкамат у Валгаградзе. Калі пажар быў патушаны, паліцыянты знайшлі ў памяшканні разбітую бутэльку з кавалкам тканіны, паведаміў тэлеграм-канал «7х7 – Горизонтальная Россия».
Канал паведамляе, што падпальшчыкаў шукае паліцыя.
Выданне «Медуза» падлічыла, што толькі за апошнія двое содняў у Расеі былі ўчыненыя тры спробы падпалу ваенкаматаў – у Растоўскай і Разанскай вобласцях, і цяпер – у Валгаградзе.
Усяго з пачатку вайны было зафіксавана не менш за 11 падпалаў расейскіх ваенкаматаў.
ЗК belsat.eu