Прэзідэнт Украіны Уладзімір Зяленскі лічыць, што свет павінен быць гатовы да таго, што Расея можа выкарыстаць ядравую зброю. Пра гэта ён заявіў у інтэрвʼю CNN.
Паводле Зяленскага, не толькі Украіна, але і ўсе краіны павінны турбавацца наконт магчымага выкарыстання Расеяй ядравай зброі. На думку ўкраінскага лідара, расейскае кіраўніцтва можа гэта зрабіць.
«Я маю на ўвазе, што яны могуць. Для іх жыццё ўкраінцаў – нішто. Мы лічым, што не трэба баяцца, не трэба быць напалоханымі, але будзьце гатовыя. Гэта пытанне не да Украіны, не толькі для Украіны, а для ўсяго свету – я так лічу», – цытуе выказванне Зяленскага «Украінская праўда».
Нагадаем, 27 лютага Уладзімір Пуцін загадаў прывесці расейскія сілы ядравага стрымлівання ў асаблівы рэжым баявога дзяжурства, спаслаўшыся на «агрэсіўныя выказванні на Захадзе» і эканамічныя санкцыі. Шмат якія аналітыкі расцэньваюць пагрозу выкарыстання Расеяй ядравай зброі як не надта вялікую, але цалкам рэальную.
РР belsat.eu
