140-ы дзень пратэстаў: затрыманні ў Піцеры, суды па суботах, лісты салідарнасці і начныя шпацыры
У Беларусі 140 дзён працягваюцца паслявыбарчыя пратэсты. Belsat.eu падводзіць вынікі гэтага дня.
Менскія суды будуць працаваць у суботы
«У сувязі з працяглымі выходнымі днямі з мэтай аператыўнага разгляду справаў аб адміністратыўных правапарушэннях павінны выйсці на працу 26.12, 2.01 і 9.01».
Жыхары Полацка зладзілі вось такую акцыю салідарнасці. Яны сабраліся і напісалі больш за сотню лістоў палітвязням!
Тут можна знайсці адрасы.
У Савецкім раёне Менску праблемы з вадой
«У нас адбыўся збой абсталявання на станцыі, якая падае ваду на Савецкі раён, таму назіраецца пагаршэнне якасці вады. Зараз усе сілы «Мінскводаканала» кінутыя на тое, каб прамыць вонкавыя сеткі», – растлумачылі ў дыспетчарскай.
Бочкі стаяць: Усходняя, 50, Бяды, 01/11, Цнянская, 17 і Коласа, 21.
У Вільні аднавілі мемарыял Раману Бандарэнку
У Менску з’явіўся свой Грынч
У Пецярбурзе затрымалі беларусаў
Учора паліцэйскі заявіў удзельнікам акцыі ля амбасады, што ад 26-га іх будуць затрымліваць за значакі, стужкі і бчб-сцягі, а сёння людзей затрымалі, хоць яны былі і без сімволікі.
Але затрыманыя не губляюць настрою нават у аддзяленні паліцыі! Усяго затрымалі 14 чалавек, двое з якіх – журналісты.
З 1-га аддзелу паліцыі Пецярбургу адпусцілі ўсіх 14 чалавек, затрыманых ля беларускай амбасады.
На ўсіх склалі пратаколы па артыкуле 8-6-1 – парушэнне супрацьэпідэмічных мераў.
Беларусы стварылі петыцыю, якую мяркуюць адправіць у Савет Міністраў
У ёй гаварыцца аб выключэнні з пераліку сродкаў масавай інфармацыі газеты «СБ. Беларусь сегодня», якой будзе аказана падтрымка з бюджэту.
«Лічым, што калі Адміністрацыя Прэзідэнта хоча мець свой друкаваны орган, няма чаго яго ўтрымліваць за кошт падаткаплацельшчыкаў краіны», – заяўлена ў петыцыі. А сродкі прапануюць перанакіраваць на закуп вострадэфіцытных лекаў.
Беларусы працягваюць гуляць. 140 – гэта не канец!
А ў Рызе сёння так
