Ціханоўская і Бурэль абмеркавалі прыцягненне Лукашэнкі да адказнасці за суўдзел у вайне
Лідарка дэмакратычных сілаў Беларусі Святлана Ціханоўская і вярхоўны прадстаўнік ЕЗ у вонкавых справах і палітыцы бяспекі Жузэп Бурэль праз тэлефон абмеркавалі падтрыманне Беларусі і санкцыі супраць рэжыму Лукашэнкі, паведамляюць палітыкі ў сацыяльных сетках.
Жузэп Бурэль, вярхоўны прадстаўнік ЕЗ у вонкавых справах і палітыцы бяспекі, паведаміў пра тэлефонную размову з лідаркаю дэмакратычнай Беларусі Святланаю Ціханоўскаю.
«У гутарцы з лідаркаю беларускай апазіцыі Святланаю Ціханоўскай я пацвердзіў непахіснае падтрыманне Еўразвязам барацьбы беларускага народу за ўласную будучыню і суверэнітэт Беларусі, які цяпер пад пагрозаю з прычыны суўдзелу Лукашэнкі ў вайне Расеі супраць Украіны», – напісаў Жузэп Бурэль у Twitter.
Святлана Ціханоўская таксама агучыла некаторыя акалічнасці тэлефоннай размовы з Жузэпам Бурэлем.
«Ён запэўніў мяне ў поўным падтрыманні нашай барацьбы за свабоду і суверэнітэт. Мы абмяркоўвалі далейшыя санкцыі і тое, як прыцягнуць Лукашэнку да адказнасці за суўдзел у вайне і рэпрэсіі. Гаварылі і пра падтрыманне беларусаў, якія ўцяклі ад тэрору», – напісала Ціханоўская.
Алена Аляксандрава belsat.eu
