Знакаміты беларускі музыка Леанід Барткевіч памёр 13 красавіка ў веку 71 года. Пра гэта паведамляе сайт музыкі.
Леанід Барткевіч нарадзіўся ў 1949 годзе ў Менску. У дзяцінстве займаўся музыкай: спяваў у хоры, скончыў музычную школу па класе трубы. Стаў вакалістам ВІА «Залатыя яблыкі», а затым – салістам ансамблю «Песняры». Быў адной з зорак калектыву.
У 1980-м сышоў з ансамблю, каб вучыцца ў ГІТІСе на рэжысуры. У 1989-м разам з жонкай, знакамітай гімнасткай Вольгай Корбут, з’ехаў у ЗША.
У 2000 годзе вярнуўся на радзіму і далучыўся да «Песняроў». Пасля смерці Уладзіміра Мулявіна стварыў уласны калектыў «Песняры» з такой самай назвай.
МГ belsat.eu