Актывіст руху «За Свабоду» з Астраўца Іван Крук прапанаваў улучыць сябе ў склад ініцыятыўнай групы дзейнага кіраўніка краіны. Пра гэта паведамляе сайт by.milinkevich.org.
З адпаведнаю заявай Іван Крук звярнуўся ў Адміністрацыю прэзідэнта. «Гэты крок падаецца трохі дзіўным, але калі мяне зарэгіструюць, я змагу сабраць сапраўдныя звесткі пра ўзровень рэальнага падтрымання цяперашняга кіраўніка краіны сярод насельніцтва і кампетэнтна заявіць пра гэта», – патлумачыў ён.
Іван Крук – таксама сябар Аб’яднанай грамадзянскай партыі. Ён граў галоўную ролю ў кампаніі «Астравецкая атамная – гэта злачынства!», змагаўся за пасаду дэпутата Астравецкага райсавету, дамагаўся адкрытых і справядлівых выбараў у мясцовыя саветы гэтаю вясною.
belsat.eu