Віталя Гузава суддзя Мікалай Доля зняволіў на 2,5 года ў калоніі агульнага рэжыму, паведамляе «Вясна».
Гомельскі абласны суд 11 жніўня завяршыў разгляд крымінальнай справы жыхара Жлобіна Віталя Гузава, які абвінавачваўся ў «Распальванні расавай, нацыянальнай, рэлігійнай або іншай сацыяльнай варожасці» (ч. 1 арт. 130) і «Абразе прэзідэнта Рэспублікі Беларусь» (ч. 1 арт. 368).
Да суда Віталь Гузаў утрымліваўся пад вартай у СІЗА № 3 Гомля.
Судовы працэс пачаўся яшчэ 28 ліпеня, але інфармацыі пра сутнасць абвінавачання пакуль няма.
Віталю Гузаву 36 гадоў. У лютым 2021 года сілавікі пасля пастановы аб дэпартацыі вывезлі яго з Расеі ў Беларусь, паколькі абвінавачваны значыўся ў вышуку. Адразу пасля дэпартацыі сувязь з ім прапала.
Марыя Мурашка belsat.eu
