Пакуль у Расеі выданні караюць і забараняюць за тое, што яны называюць вайну вайной, ва Украіне можна пісаць усё – і нават мацярыцца ў тэлеэфіры. Паглядзелі, што адбывалася апошнія два тыдні ў друкаваных выданнях за мяжой.
Яшчэ да нападу 24 лютага многія лічылі, што вайна непазбежная, хоць асноўная частка Украіны і сталіцы выглядалі мірнымі. Гэтая польская перадавіца 23 лютага магла здавацца «пераборам»: «карона-вар’ят» на ядравай ракеце і пытанне, ці ён «падпаліць Еўропу і свет». 24-га гэта ўжо было адназначна рэзонным пытаннем.
«Расея атакавала Украіну».
«Крамлёўская вар’ятня».
«Расея. Бамбіць. Украіну». Расейская «Новая газета» выдала нумар на расейскай і ўкраінскай мовах. Пасля прыняцця «закону аб фэйках» газета пагадзілася не называць вайну вайной і выдаліць шэраг матэрыялаў з сайта, але працягнула асвятляць расейскі напад.
З пачаткам вайны «Советскому спорту» стала «Не да футболу», чаго не скажаш пра большасць расейскіх дзяржаўных медыяў.
«Вайна ў Еўропе», «Пуцін стаў Гітлерам XXI стагоддзя з уварваннем ва Украіну».
«Расея атакуе Украіну» ў кітайскай газеце. Кітайскія медыі стрымана і мінімалістычна асвятляюць гэтую вайну, на фота – рэдкае выключэнне.
«Вайна ў Еўропе».
«Пуцін уварваўся».
Загаловак «Вайна ва Украіне» ці не больш заўважны за назву газеты «The New York Times».
«Кіеў, горад адвагі».
«Бітва за Кіеў» у бразільскай газеце.
«Слава Україні!» у польскай газеце.
«Еўропа аб’ядналася ў падтрымцы Украіне».
«Сталінская вайна Пуціна».
«Жыццё пераможа смерць, а святло – цемру». Часопіс «Time» надрукаваў на перадавіцы цытату з выступу Уладзіміра Зяленскага.
«Масавы забойца Пуцін».
«Украінцы, мы з вамі» ў польскім часопісе.
«Экстрэмальны гангстар» – брытанскі часопіс падкрэслівае, што Пуцін абзывае ўкраінцаў «экстрэмістамі» і «бандытамі», але сам паводзіць сябе як экстрэміст і бандыт.
Замест загалоўкаў – украінскі сцяг з кроўю.
«Без перадышкі» – надпіс на фота людзей, якія спрабуюць эвакуявацца з Ірпіню пад расейскімі абстрэламі.
«Пуцінская барацьба супраць нашага свету».
«Цана, якую мы мусім заплаціць дзеля перамогі над Пуціным» – так брытанская газета адказвае на рост цэнаў на камунальныя паслугі і ежу.
У Літве – нават расейскамоўныя выданні не падтрымліваюць расейскую агрэсію.
Пасля расейскага абстрэлу радзільні ў Марыупалі гэтае фота было на шмат якіх перадавіцах.
«Украіна трымае ўдар. А ў агрэсара справы ўсё горш» – так піша ўкраінскі часопіс пасля двух тыдняў вайны.
«Зяленскі – герой вольнага свету».
Пуціну рэдка дастаюцца гераічныя вобразы на перадавіцах.
Немцы пытаюць: «Ці можа ён адступіць?»
«Пуцінскі фінал».
(тут і ніжэй – анонсы будучых выданняў)
«Руская рулетка».
«The New Yorker» намаляваў сярод дыму маленькага чалавека, падобнага да Зяленскага. Выяву падпісалі словам «трываласць».
«Ува што, чорт вазьмі, Макрон думае, што гуляе?»
«Эмоцыя найбліжэй да безвыходнасці».
«Пуцінская крывавая лазня».
Алесь Наваборскі belsat.eu