У Беларусі пачалі ставіць першыя ялінкі да навагодніх святаў. Дзяржаўнае інфармагенцтва «Менск-Навіны» паведаміла аб усталёўцы ялінкі ў парку Горкага ў Менску.
Ялінка каля комплексу, вядомага ў народзе як «Некемпінскі», пакуль яшчэ «голая». Такія ўжо паставілі ў іншых раёнах Менску. Аздабленне сталіцы да Новага году збіраюцца завершыць да 15 снежня, дадаць яскравую ілюмінацыю. Светлавыя інсталяцыі плануюць паставіць на ўваходзе ў парк Чалюскінцаў, на вуліцах Маякоўскага і Прытыцкага, у Шабанах і Сокале.
Надвор’е пакуль далёкае ад навагодняга: 11 лістапада ў Менску +9°С і воблачна. Але ўжо ў сярэдзіне наступнага тыдню прагназуюць падзенне тэмпературы, мінусавыя тэмпературы ноччу ў панядзелак-аўторак, дажджы ў сераду, мінус днём у чацвер.
Алесь Наваборскі belsat.eu