Украінскі Каардынацыйны штаб у пытаннях абыходжання з ваеннапалоннымі ўключыў двух грамадзянаў Беларусі Васіля Парфянкова і Васіля Грудовіка, якія служылі ў палку імя Кастуся Каліноўскага, у рэестр абаронцаў Украіны, якія трапілі ў расейскі палон.
«Грамадзянаў Беларусі Васіля Парфянкова і Васіля Грудовіка ўключылі ў Рэестр абаронцаў Украіны, якія знаходзяцца ў палоне дзяржавы-агрэсара, трымальнікам якога ёсць дзяржаўнае прадпрыемства «Украінскі нацыянальны цэнтр разбудовы міру», – сказана ў афіцыйным адказе Каардынацыйнага штабу на запыт радыё «Свабода».
Раней прэс-службе палка імя Кастуся Каліноўскага заяўлялі, што ў баі пад Лісічанскам, верагодна, загінулі Іван Марчук (пазыўны Брэст), Васіль Парфянкоў (пазыўны Сябро), Васіль Грудовік (пазыўны Атам) і Вадзім Шатроў (пазыўны Папік). Аднак прадстаўніца палка Каліноўскага падкрэсліла, што гэтыя звесткі неканчатковыя.
Таксама паведамлялася, што ў палон трапілі Ян Дзюрбейка (пазыўны Тромбл) і Сяргей Дзёгцеў (пазыўны Клешч).
Якуб Хруст belsat.eu
