Згодна з новымі правіламі, цяпер усе вакцыянаваныя грамадзяне, якія прыязджаюць у Беларусь, вызваляюцца ад каранціну.
Нацыянальны аэрапорт «Менск», Беларусь. 26 траўня 2021 года.
Фота: Белсат
Для гэтага трэба падаць дакумент, які пацвярджае вакцынацыю і адпавядае пэўным патрабаванням:
- курс вакцынацыі супраць інфекцыі COVID-19 павінен быць завершаны ў тэрмін ад 1 да 12 месяцаў да даты прыбыцця;
- павінны быць пазначаныя прозвішча, імя, імя па бацьку (калі ёсць);
- сертыфікат мае змяшчаць дату заканчэння курсу вакцыны;
- мусіць быць на расейскай, беларускай або англійскай мове.
Акрамя гэтага, усе замежнікі па прыездзе абавязаныя прад’яўляць дакументы, якія пацвярджаюць мэту паездкі, перакладзеныя на адну з дзяржаўных моваў, – беларускую або расейскую.
Дакладнасць перакладу або сапраўднасць подпісу перакладчыка на перакладзе мусіць быць засведчаная натарыусам.
АД, belsat.eu
