У пераходзе каля станцыі метро Пушкінская ўвечары 10 жніўня быў затрыманы 23-гадовы Кастусь Цаўлоўскі.
Як паведамляюць сведкі, якія бачылі затрымання, хлопец прынёс кветкі і пайшоў па лесвіцы ўніз. Да яго падбеглі супрацоўнікі ў цывільным і затрымалі.
«Ён кветкі на слуп зачапіў. Падышлі двое, вярнулі яго, кветкі знялі і яму аддалі, потым падышоў трэці і хлопца адвялі ў пераход», – кажа сведка падзей.
Увечары Кастусь Цаўлоўскі з’явіўся ў спісе затрыманых, якія вядуць валанцёры. Верагодна, яго даставілі на ІЧУ.
АД, belsat.eu