Цяпер другі энергаблок Беларускай атамнай станцыі праходзіць стадыю пусканаладачных працаў. Запуск плануецца ўжо сёлета, паведаміў 11 траўня намеснік міністра энергетыкі Міхаіл Міхадзюк.
«Праводзіцца комплекс пускавых аперацыяў. Усе працы ідуць паводле спецыяльных праграмаў. Мы адпрацоўваем усе тыя выпрабаванні, якія прадугледжаныя праграмамі. Праца вядзецца планава. Плануем, што сёлета блок уключым у працу», – сказаў Міхадзюк.
Першы энергаблок БелАЭС 25 красавіка быў спынены для першага планавага папераджальнага рамонту.
«Гэта рэгламентная праца, у рамках якой будзе ажыццяўляцца дыягностыка абсталявання, вузлоў, тэхналагічных сістэмаў, рэактарнай устаноўкі», – казаў міністр энергетыкі Віктар Каранкевіч.
Цягам гэтых планавых працаў будзе праведзеная першая перазагрузка паліва з рэактарнай устаноўкі.
ГГ, belsat.eu
