У Валынскай вобласці ва Украіне на памежным пераходзе сканфіскавалі 23 беларускія грузавікі. Сканфіскаванае пойдзе на патрэбы ўкраінскага войска, паведамляе радыё «Свабода».
23 беларускія цяжкавікі былі спыненыя ва Украіне і сканфіскаваныя на патрэбы ўкраінскага войска. Мытнікі ўдакладнілі, што беларускія машыны заехалі ва Украіну яшчэ да пачатку нападу Расеі. Паведамляюць, што сканфіскавалі таксама і 3 транспартавыя сродкі на расейскай рэгістрацыі. Усе аўтамабілі – грузавікі і належаць юрыдычным асобам.
Такая захада зробленая ў межах распараджэння ўраду Украіны «Аб перадачы маёмасці на патрэбы Збройных сілаў», згодна з Законам аб прававым рэжыме ваеннага становішча.
Пакуль што гэта адзіны выпадак канфіскацыі беларускіх цяжкавікоў ва Украіне.
ЛК belsat.eu