Нацыянальны аэрапорт «Менск» паказаў новую канцэпцыю развіцця і добраўпарадкавання тэрыторыі аэрапорту, якую распрацаваў інстытут «Белдзяржпраект».
«Перспектыўная стратэгія на будучыню прадугледжвае развіццё канцэпцыі гораду-аэрапорту, які прапаноўвае не толькі авіяцыйныя паслугі. Вакол яго будзе развівацца цэлы бізнэс-горад з паркінгамі, гатэлем, офісамі, выставачным і гандлёвым цэнтрам», – гаворыцца ў паведамленні.
Таксама прадугледжаная чыгуначная камунікацыя паміж Менскам і Нацыянальным аэрапортам, у тым ліку ўзвядзенне чыгуначнага тэрміналу.
На даручэнне міністра транспарту і камунікацыяў Аляксея Аўраменкі цяпер распрацоўваецца падрабязны план паэтапнай рэалізацыі канцэпцыі з указаннем тэрмінаў яго выканання, а таксама «карта інвестара».
Тэрмінаў рэалізацыі праекту не называюць. Сказана толькі, што рэалізацыя ўсяго праекту будзе праходзіць паслядоўна ў адпаведнасці з чэргамі будаўніцтва запланаваных аб’ектаў.
АД, belsat.eu