Галоўныя падзеі ў краіне за апошнія содні.
Сёння ўначы ад каронавіруса памёр Арцём Казлоў, студэнт 3-га курсу Беларускай дзяржаўнай акадэміі музыкі.
Ён ляжаў у ізалятары інтэрнату БНТУ. Інфармацыю @belsat пацвердзіла асоба, якая была з ім у адным пакоі.
Сузаснавальніку kyky.org і The Village Аляксандру Васілевічу падоўжылі ўтрыманне пад вартай яшчэ на месяц.
Пра гэта паведаміла ягоная жонка Надзея Зелянкова.
«Саша сядзіць у камеры на 12 чалавек, дзе ў людзей запальваюцца ад холаду суставы. Куды пасылкі даходзяць цяпер за тыдзень-паўтара, траплянне кнігі – свята! І мы ўсе закладнікі сітуацыі, бо ўсё, што мы робім, кажам, пішам можа быць выкарыстана супраць яго».
Сёння берасцейцу Генадзю Шутаву, у якога стрэлілі сілавікі 11 жніўня, магло б споўніцца 45 гадоў.
Берасцейцы прынеслі кветкі і знічы на месца забойства мужчыны. Але ўдзень мемарыял ужо быў разбураны.
Мінздароўя апублікавала новую статыстыку COVID-19 у Беларусі.
?За дзень у краіне прырост +1496 выпадкаў; агулам – 128 449 асобаў.
?Памерла +7 чалавек, агулам – 1119 чалавек;
?Ачуняла за дзень 1617 чалавек, агулам – 107 452 пацыенты.
Дэпутатка Менгарсавету просіць адмяніць рашэнне аб «узорным парадку».
Вольга Цесакова піша, што 18 лістапада прайшла пазачарговая сесія Менгарсавету, на якой і прынялі рашэнне (https://t.me/belsat/31378) «Аб зацвярджэнні комплексу дадатковых мерапрыемстваў».
Журналісту «Белсату» Ігару Ільяшу суд прысудзіў 15 содняў за ўдзел у пікетаванні 26 кастрычніка.
У той дзень каля Чырвонага касцёла праходзіў супольны марш студэнтаў і пенсіянераў. Аднак у гэты час Ігар накіроўваўся на завод МАЗ па працы.
Генеральная пракуратура пракаментавала справу аб разгалашэнні медычнай тайны датычна смерці Рамана Бандарэнкі, паводле якой праходзяць журналістка TUT.by Кацярына Барысевіч і лекар-анестэзіёлаг Арцём Сарокін.
Паводле версіі пракуратуры, Барысевіч не стала звяртацца па інфармацыю да афіцыйных органаў, а схіліла лекара да разгалашэння Арцёма Сарокіна. У любым разе, як піша пракуратура, апублікаваныя дакументы былі няпоўныя: адсутнічае апублікаванне сведчання на наяўнасць этанолу ў мачы.
А увечары беларусы зноў выйшлі на акцыі салідарнасці.
