Экспарт тавараў і паслуг Беларусі скараціўся па выніках першых сямі месяцаў бягучага году на 4,2 %, Але імпарт знізіўся яшчэ больш – на 7,4 %. Такім чынам у выніку склаўся прафіцыт вонкавага гандлю, паведамляе Нацбанк.
Паводле справаздачы Нацбанку, агулам экспарт беларускіх тавараў і паслуг з студзеня па ліпень бягучага году скараціўся на 4,2 % да 25,17 млрд долараў. Нашая краіна экспартавала тавараў на 2,7 % меней чым летась. Імпарт тавараў знізіўся на 6,6 %.
Экспарт паслуг знізіўся на 9,7 %, а імпарт упаў на 12,8 %.
Пры гэтым па выніках сямі месяцаў вонкавы гандаль атрымаўся з прафіцытам у памеры 2,8 млрд долараў.
Алена Аляксандрава belsat.eu