Гарадзенская праўладная актывістка Вольга Бондарава паведамляе, што два гады змагалася за тое, каб на гарадскіх вайсковых могілках, дзе пахаваныя салдаты Войска Польскага, зніклі памятныя надпісы на польскай мове. У сваіх сацыяльных сетках яна піша, што гэта ў рэшце адбылося.
У Горадні на гарадскіх вайсковых могілках, дзе пахаваныя салдаты Войска Польскага, з магілаў зніклі памятныя надпісы. Праўладная актывістка Вольга Бондарава піша, што вельмі задаволеная з гэтага: паведамляе, што «змагалася» з гэтымі надпісамі 2 гады.
На вайсковых могілках у Горадні пахаваныя салдаты расейскай і нямецкай арміяў, якія загінулі ў Першую сусветную вайну, а таксама пахаванні салдатаў Войска Польскага, якія загінулі падчас савецка-польскай вайны. Тут быў усталяваны помнік рэпрэсаваным польскім афіцэрам з адпаведнаю памятнаю табліцай.
Апаганьванне і знос польскіх помнікаў за апошнія гады ў Беларусі адбыліся ў некалькіх месцах нават пры ўдзеле мясцовых уладаў.
Алена Аляксандрава belsat.eu