Менскі абласны суд 10 сакавіка вынес прысуд былой выкладчыцы Менскага дзяржаўнага лінгвістычнага ўніверсітэту Наталлі Дулінай. Як стала вядома «Белсату», яе асудзілі на 3,5 года калоніі.
Наталлю Дуліну затрымалі 3 кастрычніка 2022 года ў межах крымінальнай справы і змясцілі ў ІЧУ на Акрэсціна.
Суд пачаўся 7 лютага. Дуліну абвінавачвалі паводле ч. 1 арт. 361-4 («Садзейнічанне экстрэмісцкай дзейнасці») і ч. 1 арт. 342 КК («Арганізацыя і падрыхтоўка дзеянняў, якія груба парушаюць грамадскі парадак, або актыўны ўдзел у іх»). Працэс зрабілі закрытым.
Раней выкладчыцу затрымлівалі чатыры разы і судзілі паводле палітычна матываваных адміністратыўных артыкулаў.
Якуб Хруст belsat.eu