«Белсат» падводзіць вынікі 9 лістапада – 456-га дня супрацьстаяння беларускага народу і ўладаў пасля фальсіфікаваных прэзідэнцкіх выбараў і гвалту сілавікоў.
На ўсёй польска-беларускай мяжы на раніцу 9 лістапада было ад 3 тыс. да 4 тыс. мігрантаў. Пра гэта падчас брыфінгу ў Беластоку паведаміла Катажына Здановіч, прэс-сакратар Падляскага аддзелу Памежнай аховы Польшчы.
Сітуацыя на беларуска-польскай мяжы ўначы з 8 на 9 лістапада была збольшага спакойнай.
«На мяжы ноч прайшла адносна спакойна. Толькі ў паліцэйскую машыну ўляцеў камень», – паведамілі ў падляскай паліцыі.
У сваю чаргу прэс-сакратар міністра-каардынатара спецслужбаў Польшчы Станіслаў Жарын заявіў, што Польшча мае справу з працяглай эскалацыяй гэтага памежнага крызісу.
Рада Еўрапейскага Звязу прыпыніла дзеянне палажэнняў аб спрашчэнні візавага рэжыму для службовых асоб беларускага рэжыму. Такое рашэнне было прынятае 9 лістапада ў адказ на «гібрыдную атаку, якую распачаў беларускі рэжым».
«Мы рашуча асуджаем і адпрэчваем працяг выкарыстанне міграцыі беларускім рэжымам. Непрымальна, каб Беларусь гуляла з жыццямі людзей у палітычных мэтах. Сённяшняе рашэнне яшчэ раз сведчыць аб нашай супольнай прыхільнасці працягваць супрацьстаяць гэтай гібрыднай атацы», – заявіў міністр унутраных справаў Славеніі, старшыня Рады ўнутраных справаў Алэш Хойс.
Савет Міжнароднай арганізацыі грамадзянскай авіяцыі (ICAO) адклаў разгляд выніковага даклада па інцыдэнце з прымусовай пасадкай самалёта «Ryanair» у Менску да студзеня 2022 года.
Рада ICAO вырашыла адкласці разгляд справаздачы да сваёй наступнай сесіі ў студзені 2022 года. Прычынай такога рашэння называюць вялікі аб’ём прадстаўленых даных і неабходнасць у дадатковых растлумачэннях ад дзяржавы.
Паведамляецца, што да польскага ваеннага прадстаўніка Яраслава Кемброўскага была даведзена інфармацыя ў дачыненні да «беспадстаўных і неправамерных абвінавачанняў польскага боку ў датычнасці беларускіх вайскоўцаў да міграцыйнага крызісу на польска-беларускай мяжы» і што для такіх сур’ёзных прэтэнзій патрабуюцца «важкія доказы».
Таксама беларускі бок выказаў незадаволенасць знаходжаннем на польска-беларускай мяжы такой колькасці польскіх сілавікоў.
«Міністэрства абароны Рэспублікі Беларусь занепакоенае павелічэннем колькасці польскіх вайскоўцаў каля нашых межаў, а таксама адсутнасцю абʼектыўнай аргументацыі іх знаходжання».
Сойм Літвы ўхваліў прапанову ўрада краіны аб увядзенні надзвычайнага становішча на ўсім участку мяжы з Беларуссю. Рэжым пачне дзейнічаць з паўночы.
Рэжым надзвычайнага становішча будзе дзейнічаць месяц, на мяжы з Беларуссю і на тэрыторыі, якая аддалена ад мяжы на пяць кіламетраў углыб краіны, а таксама ў месцах рассялення мігрантаў.
Надзвычайнае становішча ўводзіцца ўпершыню пасля аднаўлення незалежнасці Літвы. Яно прадугледжвае абмежаванні на перамяшчэнні ў прыгранічнай зоне.
Праваабаронцы «Вясны» паведамляюць, што сёння затрымалі вядомую актывістку ў сферы жаночых правоў Вольгу Гарбунову. Прычыны затрыманне і знаходжанне Вольгі – невядомыя.
Вольга больш за 18 гадоў працуе з жанчынамі, пацярпелымі ад хатняга гвалту. Яна былая кіраўніца грамадскага аб’яднання «Радзіслава», створанага ў 2002 годзе ў Менску, якое спецыялізуецца на дапамозе пацярпелым жанчынам.
Напачатку верасня гэтага году ўлады Беларусі збіраліся зліквідаваць аб’яднанне.
Юлія Барсукова была актывісткай «Краіны для жыцця».
«COVID забраў яшчэ адну ахвяру з даволі блізкага атачэння. Гэта Юля Барсукова. Ёй было ўсяго толькі 38 гадоў. Засталіся без маці 2 хлопчыкі. Мама засталася без дачкі. Мы засталіся без смелай і адважнай паплечніцы. Усе, хто яе катаваў, затрымліваў, арыштоўваў, саджаў на суткі, выпісваў штрафы, – вы ўсе не вартыя і яе пазногця. Яна не збіралася скарацца і хваробе, але гэнае чалавечае стварэнне аказалася мацней. На сумленні таго, хто не бачыў небяспекі… Юлечка, мы ўсе плачам, мы маліліся, мы вельмі хацелі, каб ты жыла. І ты хацела жыць… Вечная памяць!» – піша ў Facebook каардынатарка БХД на Віцебшчыне Таццяна Севярынец.
22 кастрычніка Юлія Барсукова напісала на сваёй старонцы ў Facebook пра тое, што захварэла на COVID-19.
У дапамогу ўваходзяць 500 тыс. доз вакцыны супраць каронавіруснай інфекцыі вытворчасці карпарацыі «Сінафарм» (Vero Cell) і 500 тыс. шпрыцаў, паведамілі ў беларускай амбасадзе ў КНР.
Дастаўка гуманітарнага грузу плануецца 10 лістапада ваенным самалётам Іл-76. На борце таксама будзе 1 млн доз кітайскай вакцыны, якія Беларусь набыла за грошы.
Сэрвіс бясплатных юрыдычных кансультацыяў legalhub.help стаў даступны для беларусаў. Юрысты, якія супрацоўнічаюць з сэрвісам, падзеленыя на спецыялізацыі, каб карыстальнік мог трапіць менавіта да таго адмыслоўца, які мае досвед і адпаведную практыку.
Сэрвіс бясплатнай прававой дапамогі працуе паводле прынцыпу платформы «еЗдароўе».
АД, belsat.eu