25-гадовы міліцыянт Раман Міранкоў здзейсніў спробу суіцыду 2 верасня, стрэліўшы сабе ў галаву ў прыбіральні Ленінскага РАУС Магілёва. Нягледзячы на цяжкую траўму, ён выжыў і амаль тыдзень быў падлучаны да апарату забеспячэння жыццядзейнасці, паведамляе тэлеграм-канал «Mayday».
Прычынаю спробы суіцыду называюць непраходжанне пераатэстацыі: з крымінальнага вышуку Міранкова перавялі ва ўчастковыя інспектары міліцыі.
Стрэл быў здзейснены з табельнага пісталета, выдадзенага Міранкову.
За ўвесь гэты час МУС ніяк не пракаментаваў здарэння.
АД, belsat.eu