У беларускага Парку высокіх тэхналогіяў – новы кіраўнік. На сайце ПВТ у раздзеле «Кіраўніцтва» з’явілася імя начальніка. Ім стаўся Аляксандр Базанаў.
Прэс-служба ПВТ яшчэ не абвесціла афіцыйна пра прызначэнне новага кіраўніка, аднак, паводле крыніцаў сайту kv.by, рашэнне прынялі яшчэ на мінулым тыдні.
Намеснікі начальніка сакратарыяту назіральнай рады ПВТ – Кірыл Залескі, Іван Жызнеўскі і Аляксандр Марцінкевіч.
Аляксандр Базанаў скончыў Полацкі дзяржаўны ўніверсітэт. Працаваў на розных пасадах у КДБ, Дзяржаўным сакратарыяце Савету бяспекі Рэспублікі Беларусь, Міністэрстве замежных справаў і Апараце Савету Міністраў Рэспублікі Беларусь. З лістапада 2010 года працаваў дырэктарам Інфармацыйна-аналітычнага цэнтру пры Адміністрацыі прэзідэнта Беларусі.
Рэарганізацыя структуры Парку праходзіла згодна з Указам № 102 аб развіцці Парку высокіх тэхналогіяў, падпісаным Аляксандрам Лукашэнкам 12 красавіка 2023 года.
Марыя Міхалевіч belsat.eu
