Новы мост, пабудаваны замест таго, які абрынуўся ўначы 8 студзеня, цалкам гатовы. 9 лютага яго выпрабавалі – па мосце пусцілі шэсць самазвалаў з друзам, кожны вагою 35 тонаў, паведамляе «Мастабуд».
Паказчыкі ацэньвалі з дапамогай адмысловых датчыкаў, замацаваных унізе. «Мастабуд» кажа, што праверка была паспяховая.
Адкрыццё мосту чакаецца 10 лютага, а рух у раёне Нямігі хочуць аднавіць ужо 11 лютага.
Пешаходная частка пуцеправоду праз вуліцу Няміга ў Менску абрынулася ўначы з 7 на 8 студзеня гэтага года. Абышлося без пацярпелых. Паводле чыноўнікаў, прычынай абрушэння стала старэнне жалезабетонных канструкцыяў.
ГГ, belsat.eu