Нягледзячы на шматлікія сведчанні, што ўмовы на Акрэсціна падобныя да катаванняў, ніякіх недахопаў карэспандэнт СТВ Рыгор Азаронак у ізалятары не пабачыў.
Паводле яго, у камерах цёпла, ніякай перанаселенасці няма, матрацаў хапае, туалетнай паперы і жаночых пракладак – досыць, кормяць смачна.
Чытачы заўважылі, што тэрмометр на фота папярэдне ляжаў на батарэі. Але Азаронка гэта не засмуціла, адказаў, што вырашыў і тэмпературу батарэй замерыць.
Бялізна ёсць. Фота: t.me / Azarenok_TV
А вось, што распавядаюць тыя, хто сядзеў у камеры без тэлекамераў: «Каб не выпацкаць майткаў, жанчыны рвалі сваю адзежу і карысталіся ёй замест пракладак. Але кроў усё роўна працякала на матрацы. Яны не апрацоўваюцца. І даводзілася ляжаць на іх, пакрытых крывавымі плямамі. Некаторыя хлусілі працаўнікам Акрэсціна, што ў іх месячныя, каб атрымаць пракладку і даць яе той, каму сапраўды было трэба».
AB, belsat.eu