Супрацоўнікі КДБ затрымалі лекарку РНПЦ дзіцячай анкалогіі, гематалогіі і імуналогіі
08.07.202219:52
У Менску затрыманая доктарка Рэспубліканскага навукова-практычнага цэнтру дзіцячай анкалогіі, гематалогіі і імуналогіі Юлія Жаранкова, паведамляе прэс-служба Свабоднага прафсаюзу Беларускага.
Юлія Жаранкова.
Фота: Праваабарончы цэнтр «Вясна»
Забралі Юлію супрацоўнікі КДБ. Прычыны затрымання невядомыя.
Юлія Жаранкова – імуналог з 12-гадовым стажам, старшыня суполкі Свабоднага прафсаюзу Беларускага ў РНПЦ. Да 2020 года пра яе не аднойчы пісалі дзяржаўныя медыі (у тым ліку «СБ»), а ў красавіку 2022 года яна выступала з відэалекцыяй на Рэспубліканскай канферэнцыі пацыентаў з першаснымі імунадэфіцытамі. Паводле газеты «Медицинский весник», выступ лекаркі выклікаў у прысутных асаблівую цікавасць, зазначае «Вясна».
Інтэрв’ю
«Усё праходзіць праз новаўведзенага чалавека». Як цяпер працуюць беларускія медыкі
2022.06.01 17:00
Марыя Міхалевіч belsat.eu
