Пінскага праваабаронцу Алеся Раманавіча пазбавілі апекі над хворым братам, пакуль той быў у ізалятары часовага ўтрымання, паведамляе тэлеграм-канал «Позірк».
«Камісія прыехала да мяне дадому, калі я знаходзіўся ў ІЧУ. Яны выявілі, што мяне няма з братам, гэта стала падставай, каб вынесці на разгляд [пытання] пазбаўленне апекі», – распавядае праваабаронца.
Паводле яго Алеся, 6 жніўня ён атрымаў ліст з паведамленнем, што рашэнне аб пазбаўленні яго права на апякунства прынятае.
Па палітычна матываваных справах у пачатку жніўня ў Пінску арыштавалі або аштрафавалі 11 чалавек. Алесь Рамановіч быў затрыманы, пасля суда аштрафаваны на 30 базавых велічыняў – 960 рублёў (каля 380 долараў).
Праваабаронцу і сябра Руху «За свабоду» Алеся Рамановіча затрымлівалі не аднойчы. Так, у пачатку красавіка гэтага года яго затрымалі падчас прагулкі па цэнтры Пінску з нагрудным значком з гербам «Пагоня». У ізалятары, як пазней расказваў праваабаронца, для яго стварылі цяжкія ўмовы: катавалі недасыпаннем, холадам, адмаўляліся вадзіць у прыбіральню і аднаго пасадзілі ў пяцімясцовую камеру.
Алена Рувіна belsat.eu
