Страляніна ў сербскай школе ды масаваны ракетны абстрэл Украіны. Галоўныя здымкі тыдня

Расейская армія нанесла масаваны ракетны ўдар па Херсоне, выпусціўшы 82 снарады ў розныя месцы гораду: ад супермаркету АТБ да чыгуначнага вакзалу. Ахвярамі трагедыі сталі 23 чалавекі і яшчэ 46 былі параненыя. Херсон, Украіна.

Людзі страляюць з традыцыйных гарматаў падчас святкавання пад назваю Кулюўунг, якое праводзіцца праз некалькі дзён пасля мусульманскага свята Ід уль-Фітр (Eid al-Fitr). Богар (Bogor), Заходняя Ява, Інданезія.

Мужчына з жонкай пазіруе для здымку на Эбатсфардскім фестывалі цюльпанаў на ферме «Lakeland Flowers» у Эбатсфардзе, Канада.

Кароль Вялікай Брытаніі Чарлз III і каралева-кансорт Каміла вітаюць гасцей з балкону Бакінгэмскага палацу пасля іхнай каранацыі ва Ўэстмінстэрскім абацтве. Гэта першая каранацыя ў краіне за апошнія 70 гадоў і толькі другая ў гісторыі, якая транслявалася па тэлебачанні. Лондан, Вялікая Брытанія.

Маці суцяшае дачку пасля страляніны ў школе ў Бялградзе. Сербская паліцыя арыштавала вучня, які зладзіў страляніну ў пачатковай школе і забіў восем навучэнцаў і ахоўніка школы. Бялград, Сербія.

Новае вывяржэнне лавы з самага актыўнага дзейнага вулкану Мэрапі (Merapi) на востраве Ява, Інданезія.

Медыкі надаюць першую медычную дапамогу параненым украінскім вайскоўцам у прыфрантавым стабілізацыйным пункце ля Бахмуту, Данецкая вобласць, Украіна.

Рыбакі закідваюць вялікія сеткі для лоўлі рыбы ў Раджшахі (Rajshahi). Пасля паніжэння ўзроўню вады ў рацэ рознакаляровыя водарасці і пустазеллі добра бачныя. Раджшахі, Бангладэш.

Гандляр ландышамі плача ад слезацечнага газу, пакуль паліцыянты Французскага рэспубліканскага корпусу бяспекі (CRS) займаюць пазіцыі падчас дэманстрацыі на Першамай. Сама меней 406 супрацоўнікаў паліцыі атрымалі раненні і мінімум 540 дэманстрантаў былі арыштаваныя. Прафсаюзы заклікаюць пратэстоўцаў працягваць сваю трохмесячную кампанію супраць пенсійнай рэформы. Парыж, Францыя.

Фатографка Іна Шыфэрдэкер знайшла кантакт з маленькімі звяркамі на лузе непадалёк Вены, прапаноўваючы суслікам карысныя закускі, такія як морква і семкі. Вена, Аўстрыя.

Нявеста загінулага вайскоўца Іванна Саніна плача на пахавальнай цырымоніі каля Міхайлаўскага Залатаверхага сабору ў Кіеве. Партнёр Іванны, грамадзянін ЗША і добраахвотнік Замежнага легіёну Крыстафэр Джэймз Кэмпбэл, загінуў у баі пад Бахмутам. Кіеў, Украіна.

Затопленая вёска Віллянова (Villanova) непадалёк італьянскага гораду Равэнна (Ravenna). Дзве асобы загінулі пасля 48-гадзіннага амаль бесперапыннага дажджу, які выклікаў паводку на поўначы Італіі.

Кіта з сямейства паласацікаў, 17-метровага фінвала (Balaenoptera physalus), выкінула на бераг ля мястэчка Брыдлінгтан (Bridlington) у павеце Іст-Ёркшыр (East Yorkshire), Вялікая Брытанія.