Днём 7 красавіка расейскія вайскоўцы нанеслі ракетны ўдар па цэнтральным раёнам Харкава.
Мэр Харкава Ігар Тэрэхаў паведамляе, што ў горадзе было зафіксавана чатыры «прылёта», адзін з іх прыйшоўся ў прыватны будынак. Ёсць параненыя.
Кіраўнік Харкаўскай абласной вайсковай адміністрацыі Алег Сынегубаў сцвярджае, што ў выніку абстрэлу пацярпелі тры жанчыны і адзін цывільны мужчына.
«Вораг нанёс удары па цэнтральнаму парку і прамысловай зоне, дзе ў выніку прылёту пашкоджаны будынак і гарэў гараж», – паведаміў ён.
Першая інфармацыя пра абстрэлы з’явілася каля 11:47. Праз дзве гадзіны мясцовыя ўлады паведамілі пра паўторны ўдар, але колькасць «прылётаў» і іх наступствы пакуль невядомыя.
Цягам апошніх некалькіх тыдняў Харкаў падвяргаецца амаль штодзённым абстрэлам. Расейцы выкарыстоўваюць ракеты, дроны-камікадзэ і авіяцыйныя бомбы. У ujhflpt разбурана практычна ўся крытычная энергетычная інфраструктура.
Глеб Нержын belsat.eu
