З 7 студзеня «Белавія» плануе аднавіць рэйсы ў казахскі Нур-Султан, паведамляюць на сайце авіякампаніі.
Згодна з раскладам Менскага аэрапорту, рэйс Менск – Нур-Султан прызначаны на 20:15.
«Авіякампанія ўважліва сочыць за падзеямі ў Казахстане, якія могуць негатыўна паўплываць на бяспеку палётаў. Рэгулярныя рэйсы ў пункты Казахстану будуць выконвацца толькі па ўзгадненні з Дэпартаментам авіяцыі Міністэрства транспарту і камунікацый Рэспублікі Беларусь і толькі пры безумоўным запэўніванні бяспекі палётаў», – адзначаюць на сайце кампаніі.
Аднаўленне рэйсаў у Нур-Султан патлумачылі неабходнасцю даць «магчымасць грамадзянам Рэспублікі Беларусь ды іншых краінаў, якія цяпер у Казахстане, вылецець на радзіму».
Аднак дасюль адмененыя рэйсы Менск – Алматы – Менск з 5 да 9 студзеня.
Нагадаем, што 5 студзеня авіякампанія «Белавія» адмяніла ўсе рэйсы ў Казахстан у сувязі з «неспрыяльнай абстаноўкай» там: у той дзень пратэстоўцы захапілі Міжнародны аэрапорт у Алматы.
АД, belsat.eu
