Гэта першы прысуд такога кшталту пасля выбараў-2020, вядомы праваабаронцам.
Суд Віцебскага раёну 14 ліпеня разглядзеў справу мужчыны, які каля возера ў Віцебскім раёне без дазволу райвыканкаму выкрыкнуў лозунг «Слава Украіне!». Мясцовыя ўчастковыя склалі на яго пратакол паводле арт. 24.23 КаАП, паведамляе «Вясна».
У выніку суд пастанавіў пакараць мужчыну 50 гадзінамі грамадскіх працаў.
Усяго за ліпень праваабаронцы зафіксавалі прынамсі 122 затрыманні паводле адміністратыўных справаў. Лукашэнкаўскія суддзі прысудзілі не менш за 26 штрафаў і 61 арышт.
Марыя Мурашка belsat.eu