Прадзюсарам «Еўрабачання» прапанавалі запрасіць вольных беларускіх артыстаў выступіць па-за конкурсам
06.04.202113:50
Беларускі фонд культурнай салідарнасці звярнуўся да прадзюсараў конкурсу «Еўрабачанне» ў Нідэрландах з прапановай, каб беларускія артысты паўдзельнічалі ў жывым эфіры шоу ў якасці гасцей.
Гурты «NaviBand» і «VAL» разам з опернай спявачкай Маргарытай Ляўчук.
Фота: by_culture / Telegram
«Мы прапанавалі, каб падчас аднаго з інтэрвал-актаў эфіру выступілі ўжо вядомыя для сям’і «Еўрабачання» гурты «NaviBand» і «VAL» разам з опернай спявачкай Маргарытай Ляўчук», – гаворыць кіраўнік фонду Сяргей Будкін.
У прадстаўнікоў фонду ўзнікла ідэя, каб беларускія артысты выканалі песню «Love shine a light», з якой у 1997 годзе Вялікая Брытанія перамагла на конкурсе, і якая летась зрабілася гімнам аб’яднання музычнай Еўропы.
Артыкулы
Маргарыта Ляўчук: «Жнівень 2020 года цалкам змяніў маё жыццё, я нібы прачнулася»
2021.03.30 21:05
АД belsat.eu
