Увечары 5 сакавіка электравік на станцыі «Ворша-Цэнтральная» збіў 16-гадовую дзяўчыну, паведамляе Следчы камітэт.
Паводле дадзеных следства, пацярпелая пераходзіла пуці па пешаходным насціланні і размаўляла па тэлефоне. Калі яна ўбачыла цягнік, паспрабавала перабегчы перад ім. Машыніст сігналіў і ўжыў экстранае тармажэнне, аднак пазбегнуць здарэння не атрымалася.
Дзяўчына атрымала траўматычную ампутацыю стапы – яе адвезлі ў шпіталь. Цяпер ейнаму жыццю нічога не пагражае.
ЯП belsat.eu