На пачатку лютага Эдуарда Пальчыса перавялі з СІЗА №1 на Валадарскага ў Менску ў Віцебскі СІЗА №2, паведамляе Праваабарончы цэнтр «Вясна».
Эдуард Пальчыс – вядомы беларускі блогер і грамадскі актывіст. Нарадзіўся 28 кастрычніка 1990 году.
Быў затрыманы 27 верасня 2020 году.
Пальчыса асудзілі паводле чатырох артыкулаў Крымінальнага кодэксу Беларусі: арт. 130 («Распальванне варожасці»); арт. 293 («Арганізацыя масавых беспарадкаў»); арт. 342 («Арганізацыя дзеянняў, якія груба парушаюць грамадскі парадак»); арт. 361 («Заклікі да дзеянняў, накіраваных на прычыненне шкоды нацыянальнай бяспецы Рэспублікі Беларусь»).
17 снежня блогера пакаралі 13 гадамі калоніі. Беларускія праваабаронцы прызналі Эдуарда палітвязнем.
Падтрымаць Эдуарда можна па новым адрасе: СІЗА-2, 210026, вул.Гагарына, 2, г. Віцебск.
ГГ, belsat.eu