Заробак настаўнікаў за пяць гадоў істотна вырас у рублях, але зусім не так моцна – у пераліку на долары. Затое вучняў на настаўніка стала больш.
Міжнародны дзень настаўніка адзначаюць 5 кастрычніка ў гонар рэкамендацыі «Аб становішчы настаўнікаў», якую UNESCO і Міжнародная арганізацыя працы прынялі 55 гадоў таму. Гэта быў першы дакумент такога кшталту, які вызначаў умовы працы для настаўнікаў па ўсім свеце.
Беларускі дзень настаўніка адзначаюць, як за саветамі: у першую нядзелю кастрычніка. Гэтая дата не прывязаная ні да чаго – толькі да ўказу Прэзідыуму Вярхоўнага Савету СССР аб прызначэнні свята.
Афіцыйнай статыстыкі аб працы настаўнікаў шмат, але ў лічбах, што публікуе Белстат, няма таго, што паказала б нагрузку на аднаго настаўніка ў гадзінах або колькасць папераў, якія трэба запаўняць у дадатак да навучання дзяцей.
«Белсат» публікуе некалькі цікавых лічбаў: заробкі растуць, але не так істотна, вучняў робіцца больш, а настаўнікаў і школаў – менш.
АА belsat.eu