У Варшаве Дзень беларускай вайсковай славы, які адзначаецца ў гадавіну бітвы пад Воршай, дзе войскі Вялікага княства Літоўскага перамаглі Маскоўскае войска, адбудзецца канцэрт у падтрыманне Палка імя Кастуся Каліноўскага.
Афіша канцэрту 8 верасня. Фота прадставілі арганізатары
Канцэрт у Варшаве пачнецца 8 верасня а 19:00 па адрасе Foksal, 11. Арганізуе яго Музей вольнай Беларусі пры падтрыманні Палку Каліноўскага.
У праграме канцэрту выступы гуртоў Lity Taler, 23:34, The Superbullz і Znich.
Таксама запланаваная відэа-лекцыя пра беларускі вайсковы гонар мінулых і сучасных часоў ад аб’яднання «Шляхетны звяз», спартовае дужанне, дартс, гіры і іншае.
Таксама будзе магчымасць набыць тышорткі і сувеніры з сімволікай палку, зрабіць ахвяраванні.
Сам уваход на канцэрт вольны.
Якуб Хруст belsat.eu
