Такі тэрмін пагражае грамадзяніну Расеі за хуліганства, паведамляе «Вясна».
Грамадзянін РФ часта наведваў Менск па працы. Аднойчы з сябрам ён вырашыў зрабіць фота на фоне манумента на плошчы Перамогі. Ён папрасіў знаёмага сфатаграфаваць ягоны скок праз Вечны агонь.
За фотасесіяй назіралі «неабыякавыя» грамадзяне, якія патэлефанавалі ў міліцыю. Падчас чарговага прыезду ў Менск расяяніна затрымалі.
Мужчыну будуць судзіць за хуліганства. Яму пагражае да трох гадоў турмы, да суда расяянін будзе знаходзіцца ў СІЗА.
Марыя Мурашка belsat.eu