Упаўнаважаная Вярхоўнай Рады Украіны ў правах чалавека Людміла Дэнісава паведаміла, што жанчын, узятых у палон, вывозілі на тэрыторыю Бранску праз Беларусь. Дэнісава адзначае, што гэта стала вядома пасля апошняга абмену ваеннапалоннымі, калі атрымалася вызваліць 86 украінскіх вайскоўцаў. Прадстаўніца Вярхоўнай Рады адзначае, што жанчын катавалі і чынілі здзек.
Упаўнаважаная Вярхоўнай Рады заяўляе пра парушэнне Расеяй Жэнеўскай канвенцыі аб абыходжанні з ваеннапалоннымі. Украінскі бок звярнуўся ў ААН і АБСЕ з залікам зафіксаваць гэтыя парушэнні.
«Зняволеных распраналі дагала ў прысутнасці мужчын, прымушалі прысядаць, стрыглі валасы і пастаянна праводзілі допыты, намагаючыся зламаць маральна. Некаторых… прымушалі ўдзельнічаць у здымках прапагандысцкіх сюжэтаў, патрабуючы перайсці на рускую мову», – паведамляе Дэнісава.
Таксама Людміла Дэнісава адзначыла, што ваеннапалонных утрымлівалі ў кепскіх умовах на тэрыторі Бранскага СІЗА.
Нагадаем, што 1 красавіка адбыўся абмен ваеннапалоннымі паміж Украінай і Расеяй. Ва Украіну змаглі павернуцца 86 украінскіх вайскоўцаў, сярод іх – 15 жанчын.
ЗХ belsat.eu