Сэрвіс для пошуку жытла «Airbnb» забараніў падарожнікам з Расеі і Беларусі браняваць жытло па ўсім свеце. Пра гэта сэрвіс паведаміў на сваім сайце.
На сайце сэрвісу арэнды жытла з’явілася інфармацыя, што браняванні ў Расеі і Беларусі, якія «пачынаюцца 4 красавіка 2022 года і пазней», адмененыя.
Гаспадары жытла ў Расеі і Беларусі таксама не змогуць здаваць яго праз сэрвіс, календары для гэтых краінаў заблакаваныя. Аднак адаптаваная для расейскамоўных карыстальнікаў версія сайту (airbnb.ru) усё яшчэ працуе, і праз яе можна зрабіць бронь.
Для беларусаў магчымасць забраняваць жытло застаецца, бо пашпарт пры замове не патрэбны. Аднак трэба аплачваць бронь не з беларускай карткі, бо аплата не пройдзе.
Уладальнік «Airbnb» Браян Чэскі пра блакаванне аперацыяў для беларусаў і расяянаў паведамляў яшчэ месяц таму.
Раней кампанія заявіла, што гатовая прадаставіць бясплатнае жытло 100 тысячам уцекачам з Украіны.
АД belsat.eu
