Суд Чыгуначнага раёну Віцебску прызнаў сацыяльныя сеткі ксяндза Вячаслава Барка і яшчэ шэраг каналаў, сайтаў і старонак экстрэмісцкімі. Рашэнне прынялі 26 снежня, паведамляе «Вясна».
Ксёндз Вячаслаў Барок разважае пра дзень Божага Нараджэння ў капліцы пры Каталіцкай акадэміі. Варшава, Польшча. 22 снежня 2021 года.
Фота: ЯМ / Белсат
Улады палічылі YouTube-канал, Facebook-старонку і Telegram-канал святара экстрэмісцкімі.
Ксяндзу Вячаславу Барку давялося з’ехаць з Беларусі праз палітычны пераслед. Ціск пасля гэтага не спыніўся. Сілавікі нават прыходзілі да бацькі спадара Барока і распытвалі, ці ўжывае святар алкаголь і наркотыкі.
Таксама ў абноўленым спісе «экстрэмісцкага» кантэнту:
- тэлеграм-каналы і чаты «Чат Беларусы в Тбилиси», «Забастовка. Школьники/Студенты/Преподаватели», «СНАТ БЛАГОДІЙНИЙ ФОНД ХЕЛЕН МІНСЬКОЇ», «Твои возможности», «Маладая Грамада», «Чечерск»;
- сайт і сацсеткі ініцытывы «Асацыяцыя беларускага бізнесу за мяжой», а таксама выдання «Новы час»;
- старонка ў «Одноклассниках» «МИКАШЕВИЧИ И МЫ»;
- TikTok-старонкі «president.sveta», «belarus_sergej», «anti-communist», «annakanius», «lukashenko_yxadi», «honestpeopleby», tokbelarus».
Суды ў Беларусі рэгулярна абнаўляюць спіс «экстрэмісцкіх» матэрыялаў. Звычайна такія дапаўненні месцяць дзясяткі старонак, каналаў і акаўнтаў.
Рэпартаж
«Запаўзці пад ложак і чытаць Біблію?». Беларускія святары спрачаліся пра месца хрысціянаў у палітыцы
2023.06.08 20:36
Арсен Рудэнка belsat.eu
