Увечары 3 верасня ў Ашмянах на вуліцы Чкалава абвалілася сцяна збожжавага складу. Пра гэта паведамілі ў Міністэрстве надзвычайных сітуацыяў.
Сцяна складу, якая ўпала на жанчыну ў Ашмянах.
Фота: mchs.gov.by
Пад абломкамі канструкцыі і збожжам засталася 40-гадовая жыхарка Ашмянаў. Яе прыціснула да бэлькі.
Жанчына была ў прытомнасці, але скардзілася на праблемы з дыханнем і боль у нагах. Яе даставалі рукамі, бо выкарыстоўваць аварыйную прыладу было немагчыма.
Выратаваную жанчыну перадалі медыкам, яе шпіталізавалі ў раённую больніцу.
Якуб Хруст belsat.eu
