«Выйшла, як выйшла». Міністр спорту распавёў пра прычыны правалу Беларусі на Алімпіядзе
Міністр спорту і турызму Сяргей Кавальчук у эфіру тэлеканалу ОНТ абмеркаваў прычыны правалу беларускіх атлетаў на Алімпійскіх гульнях у Токіа. Там Беларусь заваявала найменшую колькасць медалёў за ўсю гісторыю.
«У кожным канкрэтным выпадку трэба разбірацца асобна. Нельга агулам сказаць, што прычынай нездавальняючага выступу асобных спартсменаў стала псіхалогія і гэтак далей. Тут комплекс. Можа быць, трэнеры няправільна змадэлявалі. У кожнага ж ёсць мадэль падрыхтоўкі да Алімпійскіх гульняў», – заявіў Сяргей Кавальчук.
Паводле яго, у Токіа «ехаў баяздольны калектыў, здольны паказаць лепшы вынік, напэўна».
«Але выйшла, як выйшла. Гэта сведчыць аб тым, што ў каманды ёсць добры баявы патэнцыял на будучыню», – сказаў міністр.
Нагадаем, што 3 верасня Аляксандр Лукашэнка даручыў урэзаць заробкі спартоўцам, якія не паказваюць вынікі.
МГ belsat.eu
