Новы пакет санкцыяў Велікабрытаніі супраць Беларусі ўступае ў сілу 5 ліпеня 2022 году. Прычына ўвядзення новых санкцыяў – спрыянне рэжымам Лукашэнкі расейскай ваеннай агрэсіі ва Украіне, тлумачыцца на сайце брытанскага ўраду.
Санкцыі будуць уключаць забарону на імпарт і экспарт тавараў на суму каля 60 мільёнаў фунтаў, у тым ліку экспарт тавараў нафтаперапрацоўкі, прасунутых тэхналогіяў і прадметаў раскошы. Будзе закрануты таксама імпарт беларускага жалеза і сталі.
Таксама значнай колькасці беларускіх кампаніяў будзе забаронена выпускаць даўгавыя абавязальніцтвы і каштоўныя паперы ў Велікабрытаніі.
Марыя Міхалевіч belsat.eu