У Міністэрства аховы здароўя 4 студзеня сабралі прадстаўнікоў 20 найбуйнейшых фармсетак усіх формаў уласнасці. На сустрэчы патрабавалі павялічыць долю айчынных лекаў і абмяркоўвалі цэны.
Здымак мае ілюстрацыйны характар. Жанчына пакупае лекі ў аптэцы ў Менску, Беларусь. 24 лістапада 2021 года.
Фота: Белсат
У прыватнасці, абмяркоўваліся імпарт прэпаратаў, фармаванне цэнаў пастаўшчыкоў і ў аптэках. У міністэрстве адзначылі, што працягнуць кантраляваць цэны на лекпрэпараты.
Пры гэтым ад прыватных аптэк запатрабавалі, каб яны павялічылі долю айчынных лекавых прэпаратаў да 40 %.
На нарадзе 21 снежня 2023 года Аляксандр Лукашэнка запатрабаваў разабрацца з абгрунтаванасцю росту цэн на лекі. Паводле яго, не трэба баяцца, што «нейкі прыватнік з аптэкі сыдзе», бо «дастаткова дзяржаўных аптэк».
Студыя «Белсат»
Сіпаты Лукашэнка правёў нараду па рэгуляванні коштаў. Вечаровы эфір за 21 снежня
2023.12.21 21:38
Якуб Хруст belsat.eu
