Сёмай ухваленай Сусветнай арганізацыяй здароўя стала вакцына «Covaxin» індыйскага вытворцы Bharat Biotech, паведаміла арганізацыя ў Twitter.
Даследаванні паказалі, што эфектыўнасць вакцыны склала 78 працэнтаў.
На 3 лістапада САЗ адобрыў наступныя вакцыны: «Pfizer / BioNtech», «Moderna», «AstraZeneca», «Johnson & Johnson», «Sinopharm», «Sinovac-CoronaVac» і «Covaxin».
Як паведамляе САЗ, па стане на 31 кастрычніка былі ўведзеныя амаль 7 мільярдаў дозаў вакцынаў. У лідарах па колькасці ўведзеных вакцынаў – Кітай (2,25 мільярды дозаў), Індыя (1 мільярд дозаў), Бразілія (272,7 мільёнаў дозаў).
Між тым, ва ўсім свеце зарэгістравана больш за 5 мільёнаў смерцяў ад каронавіруснай інфекцыі. Пацверджаных выпадкаў заражэнняў на 2 лістапада амаль 250 мільёнаў.
АД, belsat.eu