Актывісты Партыі БНФ атрымалі першы за тры месяцы ліст ад свайго старшыні – Рыгора Кастусёва, якога вінавацяць ва ўдзеле ў змове з мэтай нібыта замаху на Аляксандра Лукашэнку. Раней лісты атрымлівалі толькі сваякі.
У лісце палітык скардзіцца на інфармацыйную ізаляцыю, паведамілі ў прэс-службе партыі.
Старшыня БНФ адмаўляе сваю віну ў змове і абураецца тым, што дзяржаўнае тэлебачанне распаўсюдзіла інфармацыю пра нібыта прызнанне ім віны. Пры гэтым больш як месяц справа знаходзіцца ў рэжыме чакання.
«Зараз поўнае зацішша», – піша Рыгор Кастусёў.
Акрамя Кастусёва абвінавачанымі ў справе «аб змове з мэтаю захопу дзяржаўнай улады неканстытуцыйным шляхам» праходзяць Аляксандр Фядута, Юрый Зянковіч ды яшчэ шасцёра асобаў.
У канцы чэрвеня стала вядома, што следства ў «справе аб дзяржперавароце» працягнулі яшчэ на чатыры месяца.
МГ belsat.eu
