Адваката Андрэя Мачалава, пазбаўленага ліцэнзіі ў чэрвені мінулага года, будуць судзіць па крымінальнай справе ў наступны панядзелак, 6 чэрвеня, паведамляюць праваабаронцы.
Яго абвінавачваюць паводле ч.1 арт. 380 КК («Падробка, выраб, выкарыстанне або збыт падробленых дакументаў, штампаў, пячатак, бланкаў). Справу ў судзе Ленінскага раёну Менску будзе разглядаць суддзя Таццяна Шоцік.
У чэрвені мінулага года адвакат павінен быў абараняць у судзе мянчанку Вольгу Сінялёву, якая папрасіла з’ехаць з арэнднай кватэры пракурорку Касьянчык. Адвакат прыйшоў на працэс на якім і даведаўся, што яго пазбавілі ліцэнзіі. За гэта яго і будуць судзіць – за тое што прыйшоў, як высветлілася, па несапраўднаму адвакацкаму пасведчанню на судовае паседжанне.
Мачалаў неаднаразова браў удзел у палітычных судах, бараніў журналістаў «Белсату» Кацярыну Андрэеву і Ігара Ільяша, журналістак TUT.by Кацярыну Барысевіч і Любоў Каспяровіч, шматдзетную маці Вольгу Залатар, якая зазнала катаванні ад ГУБАЗіК.
Алена Рувіна belsat.eu
