Генеральная дырэктарка незалежнага расейскага тэлеканалу «Дождь» Наталля Сіндзеева паведаміла, што тэлеканал прыпыняе працу.
Наталля Сіндзеева, генеральная дырэктарка расейскага тэлеканалу «Дождь» паведаміла, што тэлеканал прыпыняе сваю працу:
«Нам трэба сіла, каб выдыхнуць і зразумець, як працаваць далей. Мы вельмі спадзяемся, што вернемся ў эфір і працягнем працу».
Наталля дадала, што пасля прыняцця ў Расеі закону пра пакаранне за «фэйкі» дзейнасць тэлеканалу стане немагчымая. У Маскве цяпер абмяркоўваюць увядзенне новага закону, паводле якога называць «спецаперацыю» расейскіх вайскоўцаў ва Украіне вайною забароняць. За гэта могуць пакараць да 15 гадоў турэмнага зняволення.
1 сакавіка Генпракуратура Расеі заблакавала сайт «Дождя» за распаўсюд недакладных звестак пра «спецаперацыю» ва Украіне.
3 сакавіка Рада дырэктараў расейскага медыя «Эхо Москвы» пастанавіла зліквідаваць радыёканал і сайт выдання.
АФ belsat.eu