У Менску на мужчыну загарэлася адзенне проста ў кватэры, яго шпіталізавалі з моцнымі апёкамі. Пра гэта паведамляе БелТА са спасылкаю на Менскае гарадское ўпраўленне МНС.
Паводле МНС, няшчасны выпадак здарыўся 1 студзеня ў Партызанскім раёне Менску. Паведамленне пра пацярпелага мужчыну паступіла супрацоўнікам МНС а 21:30. На менчуку загарэлася адзенне, калі той быў у кухні. Пасля агляду медыкаў пацярпелага шпіталізавалі ў гарадскую клінічную больніцу хуткай медычнай дапамогі.
«У пацярпелага дыягнаставалі тэрмічны апёк цела 2-й ступені (52 %), тэрмаінгаляцыйную траўму, алкагольнае апʼяненне. Спецыялісты высвятляюць прычыну здарэння», – адзначаюць у паведамленні.
Антон Тачняк belsat.eu